Rama nga Gjermania: Për ne BE nuk është çështje paraje, shumë realitete e shohin si ‘bankomat’! Edhe nëse unioni ‘zhduket’ do luftojmë për integrimin

Kryeministri Edi Rama nga Gjermani komentoi edhe emigrimin e të rinjve, duke thënë se ky është një problem që po prek të gjitha vendet të cilat po përballen me mungesë të krahut të punës. Rama tha se është kthyer në një luftë për ‘mish të freskët’ se si të merren të rinjtë shqiptarë në Gjermani. Por sipas tij, Gjermania dhe Perëndimi nuk do mund ta zgjidhin këtë problem pas disa vitesh duke marrë të rinjtë shqiptarë. Që Gjermania të ruajë fuqinë ë saj ekonomike, Rama tha se në 2030 do ti duhen edhe 7 mln krah i ri pune.

“Është shndërruar në luftë për mish të freskët. Si të marrim të rinj nga ne që të vijnë këtu. Nuk është më koha kur shqiptarët apo të tjerë nga BP shiheshin si problem. Ata janë më të preferuarit se janë të bardhë, se edhe kur janë myslimanë nuk e kanë të vështirë të përshtaten edhe më tepër se kaq, qofshin myslimanë apo të krishterë nga BP, janë mbi të gjitha europian dhe dana të jenë pjesë e saj. Si mundet që vende si Shqipëria të përballen me këtë. Si mund ta ndalim? Përgjigja më e lehtë është lufto korrupsionin, duhet të rrisni pagat. Si mund ta bëjmë gjithë këtë dhe tu themi ja ku i keni gati, je infermiere ja ku e rrogën më mirë se në Gjermani, a je doktor ja ku e ke pagën më mirë se në Gjermani. Është e pamundur, kush mendon ndryshe nuk mendon si duhet. Ky është një problem i madh dhe ne po përpiqemi të përballemi me të, kemi bërë shumë përparim kemi shkuar nga një pagë mesatare në sektorin publik rreth 450 euro në 900 euro në qershor. Është një problem i madh që Gjermania dhe Perëndimi nuk do e zgjidhin duke marrë shqiptarët. Nëse Gjermani do të dojë të vazhdojë të jetë Gjermani, në 2030 do ti duhen edhe 7 mln krah i ri pune, ose do ti gjejë ose nuk do jetë Gjermani në nivelin e ekonomisë së saj”, tha Rama.

Kryeministri Edi Rama ndodhet në Aachen të Gjermanisë në panelin “Perspektiva Europiane e Ballkanit Perëndimor” në Charlemagne Prize on Europe. I pyetur për Rusinë, Ram atha se Shqipëria nuk ka marrëdhënie të ngushta me Moskën dhe as nuk ka oreks për t’i pasur.

Për shkak të historisë sonë ne nuk kemi as marrëdhënie të ngushta dhe as oreks për ti pasur me Rusinë, sepse diktatori ynë vendosi të dilte nga blloku lindor dhe traktati i Varshavës kur Hrushov vendosi të ndryshoje linjën politike në Moskë. Shqipëria mbeti besnike e Stalinit deri në vitet 90. Në kohën kur Stalini nuk ishte më në shtetet kryesore në BE, ne e kishim në pjesën më qendrore të kryeqytetit. Për shkak të kësaj ne nuk kemi aspak oreks për tu afruar me Rusinë. Në 33 vjet qysh se dolëm nga errësira kurrë s’ka pasur një vizitë zyrtare të palës sonë në Moskë dhe asnjëherë një vizitë në nivelin e lartë të Moskës në Tiranë. Nuk na mungon. Në vende të tjera, përjashto Kosovën, në vende të tjera Rusia është me mjaft ndikim.

Nga Gjermania, kryeministri Edi Rama, nuk kurseu një mirënjohje për ish-kancelaren gjermane Angela Merkel, e cila inicioi nismën e Procesit të Berlinit, një shtysë për të çuar para procesin e integrimit të Ballkanit Perëndimor. Rama tha se për këtë arsye e do akoma Merkel, sepse ishte e vetmja që mblodhi për herë të parë bashkë 6 liderët e Ballkanit Perëndimor, jo për t’u vrarë me njëri-tjetrin, por për të punuar për një të ardhme të përbashkët

“Angela Merkel bëri diçka të rëndësishme për historinë e BP dhe për ritmin e integrimit tonë në BE, duke nisur atë që sot njihet si Procesi i Berlinit. Për herë të parë në historinë tonë 6 udhëheqës të vendeve më me telashe të BE, që janë parë si të tmerrshmit, u takuan në Berlin në 2014, 10 vjet më parë. U bëmë bashkë jo për të vrarë njëri-tjetrin, jo për ti bërtitur njëri tjetrit dhe jo për të diskutuar se kush ka ardhur i pari, kush ka ardhur më pas dhe kush ka të drejtën për t’u imponuar, por u takuam të diskutonim se çfarë mund të bënim bashkë për të ndërtuar një të ardhme të përbashkët. Kjo nën që unë akoma e dua Merkel dhe kjo nënkupton që prej asaj kohe ne nisëm një proces që na solli gjithnjë e më pranë dhe sot kemi një komunikim të vazhdueshëm dhe sistematik. Tashmë kemi edhe planin e ri të rritjes për BP, një produkt novator, që këto vende kanë nevojë të ndihmohen për të qenë më shpjet në BE”, tha Rama.